January 12, 2014

വിടവ്


2014 ലെ ചിന്തയിലെ ആദ്യ ബ്ലോഗാണിത്.
പുതുവർഷത്തിലെ പുതുമയ്ക്കു  വേണ്ടി
ഇക്കുറി ഞാനൊരു സാഹത്തിനൊരുങ്ങുകയാണ്.
കവിത "പോലെ" ഒന്നെഴുതിയത് ഇവിടെ പോസ്റ്റുന്നു.



ഈ സാഹത്തിനൊരു ആമുഖം പറയാം
എന്നിട്ടാവാം കവിത "പോലെയുള്ളത്‌" !

ആമുഖം:
നാം പലപ്പോഴും  അനുഭവിക്കുന്നൊരു കാര്യമാണ്
ബന്ധങ്ങളിലെ അകൽച്ചകൾ. പിണക്കങ്ങൾ കാരണം
പരിഭവങ്ങൾ കാരണം അങ്ങനെ കാരണങ്ങൾ പലത്.
ഒടുവിൽ തിരിച്ചു ചേരാൻ വയ്യാത്ത വണ്ണം ബന്ധങ്ങൾ
അകന്നു പോകാറുണ്ട്. എന്നാൽ നാം പലപ്പോഴം
അറിയാതെ; നമ്മുടെ തിരക്കുകൾ കാരണം
നമ്മുടെ പ്രിയപ്പെട്ടവരേ വിളിക്കാനോ സംസാരിക്കാനോ
പറ്റാതെ വരുമ്പോൾ മനസ്സിൽ ഒരു തോന്നൽ വരാറില്ലേ,
ഒരു "വിടവ്"
നാളുകൾക്കു ശേഷം ഒരു ഫോണ്‍ കാൾ കൊണ്ടോ
ഒരു കൂടിക്കാഴ്ച കൊണ്ടോ നികത്തപ്പെടുന്നൊരു വിടവ്.
പക്ഷേ ആ വിടവുകൾ ചില നേരം നമ്മെ ഖിന്നരാക്കും.

ചെറിയൊരു വിടവിന് ശേഷം, എനിക്ക് വളരെ
വേണ്ടപ്പെട്ട ഒരാൾക്ക്‌ കത്തെഴുതിയപ്പോൾ കൂടെ
ഈ കവിതയും എഴുതിയയച്ചു. ആ കവിത
താങ്ങാനാവാതെയാണോ എന്നറിയില്ല,
മറുപടി ഇതുവരേയും കിട്ടിയിട്ടില്ല :)
പക്ഷേ കത്തിലൂടെ അല്ലാതെയുള്ള സൌഹൃദം
വിടവില്ലാതെ നികന്നു പോരുന്നു.

പറഞ്ഞു വന്നത് വിടവിനെ പറ്റി.  കഴിവതും
നമ്മൾ സ്നേഹിക്കുന്നവരുമായി
നമ്മളെ സ്നേഹിക്കുന്നവരുമായി ഒരു
വിടവുണ്ടാകാതെ നോക്കാം നമുക്ക്.
ചെറിയ വിടവുകൾ വരും നാളുകളിലെ
അകൽച്ചയിലേക്ക് നമ്മെ കൂട്ടിക്കൊണ്ടു പോയാലോ ?

ഇനി ആ കവിത പോലെയുള്ളത്‌ പോസ്റ്റാം.
-----------------------------------------------------------------------------
നാം തമ്മിലെന്നുമുണ്ടൊരു വിടവ് 
               സമയത്തിന്റെ 
              കാലത്തിന്റെ 
              ദൂരത്തിന്റെ 
              മിണ്ടാട്ടത്തിന്റെ

പക്ഷേ നാം തമ്മിലൊരിക്കലുമില്ലൊരു വിടവ് 
              ഹൃദയത്തിന്റെ 
              സ്നേഹത്തിന്റെ 
              കരുതലിന്റെ

സമയ-കാല-ദൂര-മിണ്ടാട്ടങ്ങളുടെ വിടവുകൾ 
ഹൃദ-സ്നേഹത്തിലേക്കു കടക്കുമ്പോൾ 
നാം മരിക്കുന്നു, സൗഹൃദം മരിക്കുന്നു-
പിന്നെ ഞാനില്ല നീയില്ല 
തമ്മിലൊരു വിടവ് മാത്രം ബാക്കി...
 -----------------------------------------------------------------------------

 വിടവില്ലാത്ത സ്നേഹബന്ധങ്ങൾ ഏവർക്കും
ഈ  പുതുവർഷത്തിൽ ആശംസിക്കുന്നു...

സ്നേഹപൂർവ്വം
സ്വന്തം ....

7 comments:

ajith said...

എന്നാല്‍ വിടവില്ലാതെയൊരാശംസ!!!1

sudheesha said...

nalla kavitha...

sudheesha

sreevidya aravind said...

Touching...!!!

ബൈജു മണിയങ്കാല said...

ചെറിയ വിടവ് മാത്രം ആയിക്കോട്ടെ കവിത വരികൾ ആശയം നന്നായി ആശംസകൾ

JITHU (Sujith) said...

ബ്ലോഗ്‌ വായിച്ച എല്ലാവർക്കും നന്ദി

binu p joy said...

Beautiful............

binu p joy said...
This comment has been removed by the author.