February 13, 2014

പ്രണയത്തിലേക്കുള്ള ദൂരം

2014 FEB 14th.
വീണ്ടുമൊരു പ്രണയദിനം വന്നെത്തുമ്പോൾ
പ്രണയത്തിന്റെ ഒരു ചിന്തയാവാം ഇന്ന്.
ഇന്നാ പിടിച്ചോ !



അവൻ അവളോട്‌ ചോദിച്ചു :
   എനിക്ക് നിന്നിലേക്കുള്ള ദൂരവും 
   പ്രണയത്തിലേക്കുള്ള ദൂരവും 
   എത്രയാണെന്നറിയാമോ ???

അവൾ പറഞ്ഞു :
   എന്നിലേക്കൊരിക്കൽ വന്നെത്തുമ്പോൾ 
   പ്രണയത്തിന്റെ ദൂരം നീ തിരിച്ചറിയും...
   പക്ഷേ; അവിടെ നിന്നും നമുക്കൊന്നിച്ച്‌ 
   യാത്ര ചെയ്യാൻ എത്ര ദൂരമുണ്ടെന്നു 
   നിനക്കറിയാമോ ???

അവൻ ഒന്നും മിണ്ടിയില്ല.
മറു ചോദ്യത്തിന്റെ ഉത്തരം തേടി 
അവന്റെ കണ്ണുകളിലെ ആഴത്തിൽ 
അവൾ സമയമേറെ നോക്കിയിരുന്നു...
ദൂരെ  അങ്ങകലെ കടൽത്തിരകൾക്കപ്പുറത്തെ 
സൂര്യനും ഉത്തരമറിയാതെ അസ്തമിച്ചു.
അവൻ അവളുടെ കൈകൾ ചേർത്തു പിടിച്ചു...


ഉത്തരമില്ലാ ചോദ്യങ്ങൾ ബാക്കിയായാലും
സൂര്യൻ അസ്തമിച്ചാലും
മനുഷ്യ മനസ്സിലെ പ്രണയം ഒരിക്കലും അസ്തമിക്കില്ല.
നമ്മൾ പ്രണയിച്ചുകൊണ്ടേയിരിക്കും.