May 08, 2014

താക്കോൽ പഴുത്


ഇന്നലെ രാവിലെ വീടിന്റെ മുൻ വാതിലിന്റെ
താക്കോൽ പഴുതിലൂടെ വെളിച്ചം ഒരു
ചൂണ്ടു വിരലായി എന്നിലേക്ക്‌ ഒരു ചിന്ത നൽകി.



ക്ലിക്കിയ ചിത്രങ്ങളും പ്രാന്തൻ ചിന്തയും എന്റെ
സുഹൃ ത്തുക്കൾക്കായി ഇവിടെ പോസ്റ്റുന്നു.


പലതും അറിയാം എന്ന് ധരിക്കുന്നവരാണ് നാം.
പക്ഷേ ഈയിടെ എനിക്ക് മനസ്സിലായി,
പല കാര്യങ്ങളുടെയും ചെറിയൊരു ഭാഗം മാത്രമേ
നാം ഉൾക്കൊണ്ടിട്ടുള്ളാവുകയുള്ളൂ.

പലപ്പോഴും നമ്മുടെ അറിവുകൾ
ഒരു താക്കോൽ പഴുതിലൂടെ എന്നപോലെ...

 


അടഞ്ഞു കിടക്കുന്ന വാതിലിനപ്പുറത്തെ
അറിവിന്റെ വിശാലതയെക്കുറിച്ച്
നമുക്കൂഹിക്കാമെങ്കിലും, അതിന്റെ
ചെറിയൊരു ചാൽ വെളിച്ചം മാത്രമേ നമ്മളിൽ
എത്തി ചെരുന്നുള്ളൂ.
ഒരു പക്ഷേ എന്നെപ്പോലെയുള്ള മടിയന്മാർ
അതിനപ്പുറത്തേക്ക് കണ്ണോടിക്കാൻ
ശ്രമിക്കാത്തത് കൊണ്ടായിരിക്കാം.


ഈ ലോകത്തിൽ  എന്തെല്ലാം വിഷയങ്ങളാണ്.
പലതിനെയും അറിഞ്ഞും അറിയാതെയും
തൊട്ടും തലോടിയും കാലം മുൻപോട്ടു പോകുമ്പോൾ
ഈ താക്കോൽ പഴുതിലൂടെയുള്ള അറിവുകൾ
എത്ര മനോഹരമാണ്, അല്ലേ ?
ഒരു പക്ഷേ, ഈ ചെറിയ ദ്വാരത്തിലൂടെ കാണുന്ന
ഇത്തിരിക്കാഴ്ചകളാവും മനോഹരം.
അല്ലെങ്കിൽ ഈ വാതിൽ തുറന്നു കാണുന്ന കാഴ്ചകൾ
ആവാം അതി മനോഹരം.


എല്ലാം വിഷയങ്ങളെ ആശ്രയിച്ചിരിക്കും.
ചില കാഴ്ചകൾ കൂടുതൽ വ്യക്തമാവുന്നതോടെ
നമ്മളിലെ സന്തോഷത്തെ ഹനിചെന്നിരിക്കും.
മറ്റു ചിലത് മേൽ പറഞ്ഞ പോലെ,
മനോഹരം എന്നതിൽ നിന്ന് അതിമനോഹരം
എന്ന അവസ്ഥയിലേക്ക് നമ്മെ കൂട്ടിക്കൊണ്ടു പോകും.
പക്ഷേ ഇരുട്ടിലെ ആ വാതിലിന്റെ പഴുതിൽ
ഇടാനുള്ള താക്കോൽ കണ്ടെത്തുക എന്നത്
മനുഷ ജീവിതത്തിന്റെ പ്രയത്നത്തെയും 
ഭാഗ്യത്തെയും ആശ്രയിച്ചിരിക്കും.



മുന്പിലൊരു സന്തോഷത്തിന്റെ വാതിൽ
ഉണ്ടാവുകയും, അതിന്റെ തോക്കാൽ പഴുതിന്
യോജിച്ച താക്കോൽ കണ്ടെത്തുകയും ചെയ്യുന്നത്
വരെ നാം ഈ ഒളിഞ്ഞു നോട്ടം തുടരും...

 

എന്റെ കൂടെ, ഈ വാതിലിന്റെ ഇപ്പുറത്ത്
ഒളിഞ്ഞു നോക്കി നടക്കുന്നവർ
പ്രതീക്ഷയോടെ, താക്കോൽ പഴുലൂടെയുള്ള
കാഴ്ചകൾ ആസ്വതിച്ചോളൂ.
വാതിലിനപ്പുറത്ത്‌ നിൽക്കുന്നവർ ദയവായി
താക്കോൽ കിട്ടാനുള്ള വഴി ഈ പഴുതിലൂടെ
പറഞ്ഞു തരൂ.