പിറവി

ഈ കര്‍ക്കിടകത്തില്‍ വീട്ടു വളപ്പില്‍ വിതച്ച പയറിന്റെ
വിത്തുകള്‍ മുളച്ച് പുറംലോകത്തെ കാഴ്ചകള്‍ കാണാനെത്തിയപ്പോള്‍...



പ്രകൃതിയുടെ സൃഷ്ട്ടികള്‍ എത്ര വിചിത്രമാണ്, അല്ലെ?
മണ്ണിലൊരു തടമെടുത്ത് കൈവിരല്‍ പാകത്തിന് കുഴികുത്തി
ചെറിയൊരു വിത്തിടുകയെ വേണ്ടൂ.
രണ്ടു ദിവസത്തിനുള്ളില്‍ അവന്‍ മുളപൊട്ടി പുറത്തേക്ക് വരും...
പിന്നീടത്‌ വലുതായി അവയില്‍ പൂവരും കായ് വരും.

മണ്ണിന്റെ മണം നുകരാനും മണ്ണിലിറങ്ങി പണിയെടുക്കാനും നമ്മളൊക്കെ
എന്നേ മറന്നിരിക്കുന്നു... തമിഴ് നാട്ടില്‍ നിന്നും പച്ചക്കറികള്‍
കൊണ്ടുവരുന്നതിനെ പറ്റി പരിതപിച്ചതുകൊണ്ട് മാത്രമായില്ലല്ലോ.
നമ്മള്‍ വിചാരിച്ചാലും സാധിക്കും എന്തെങ്കിലുമൊക്കെ മുളപ്പിചെടുക്കാന്‍.
ഇത്തിരി ചീര, ഇത്തിരി പയര്‍, ഇത്തിരി വെണ്ട... അങ്ങനെ എന്തെങ്കിലും...
നാം പാകിയ വിത്ത്‌ മുളക്കുന്നതിന്റെ സുഖം അറിയണമെങ്കില്‍
നിങ്ങളും ഒരു വിത്ത് പാകുക, ഈ കര്‍ക്കിടകത്തില്‍ തന്നെ.
അതുവഴി പുതു തലമുറയിലെ ഹരിത-സംസ്ക്കാരത്തില്‍ നമുക്കും അണിചേരാം...
------------------------------------------------------------------------------------
കര്‍ക്കിടക രാവുകള്‍ക്കപ്പുറം ചിങ്ങ-നിലാവുദിക്കുമ്പോള്‍
തൊടിയില്‍ വെണ്ടയും പയറും എല്ലാം നിറഞ്ഞു നില്‍ക്കും;
വിളവെടുപ്പിന് നിങ്ങളും വരില്ലേ?
വരുന്നവര്‍ക്കൊക്കെ കഞ്ഞിയും പയറും തീര്‍ച്ച !
[വിളിച്ചിട്ട് വരണേ :) ]